Kisa leta ap di nan sa? Paspò Miss Haiti an fèt 4 jou aprè final ak kisa li te enskri?

0
8757

Tèks; Cassandra Guerrier.

Depi 31 me nou te pran pozisyon pou nou denonse magouy staff Miss Haïti tap fè pou konkou yo ta pral lanse pou la fòm jou ki tap 2 jen an.

Yo vini avèk yon etranje ki rele GABRIELA CLESCA VALLEJO ki fèt El Cercado,yon ti vil San Juan nan repiblik dominikèn. Manman li se yon dominikèn, papa li se yon kongolè.
Nan lane 2011, Gabriela te patisipe nan konkou « Miss Afrique », an 2014 li patisipe nan « Miss Supranational Canada » e pou fini an 2017 li ale nan « Miss Universe Canada ».

Nap raple tout moun pouw patisipe nan konkou sila yo fòk ou gen nasyonalite peyi wap reprezante a. Gabriela te reprezante Canada nan « Miss Supranational « .

Gabriela te pote pran premye pri nan « Miss Afrique » ak « Miss supranational »
Sou tout paj konkou sa yo ak lyen ki mennen ak atik ki te ekri nan lane sa yo, yo prezante Gabriela kom yon jèn fi ki fèt repiblik dominikèn men ki te leve epi ale lekòl Ayiti. Se la li aprann pale kreyòl avèk fransè.

Miss Afrique Montréal 2011 : Bel hommage à la femme africaine

Gabriela Clesca Vallejo en Miss Universe Canada 2017

Apre nou te fin denonse sa epi pote tout prèv, li te deklare ke li jis rezide nan peyi kanada. Men pi devan (nan emisyon *Pi lwen ke zye* li fè konnen li natiralize kanadyèn vre men se gouvènman peyi sa ki egzije tout moun gen yon paspò depi ou gen 5 lane ap viv ladanl.Li te anonse tou li pa gen okenn papye RDC.

Pou kontinye avèk mansonj yo :
Li te fè konnen papal se kongolè ayisyen nan chokarella men pawòl yo pral chanje nan emisyon pi lwen ke zye kote kounyea se sèlman granmè li ki kongolè men papa l se ayisyen natif natal.

Lè nou tap poze kesyon pou konnen kòman yon etranje fè ka patisipe nan miss Haïti pandan ke premye kritè pou patisipe nan konkou a se te « être haïtienne « ,ekip kap òganize konkou a te fè konnen li enskri avèk yon paspò ayisyen.

Lè nou te mande prezante piblik la paspò sa, sa pat JANM arive fèt.

Jodia nou vin pwouve piblik la apre magouy la men yo frode leta ayisyen pou fè yon fo paspò pou Gabriela Clesca Vallejo.

Konkou a fini 18 jiyè ta nan aswè. Li te depase minwi lè yo te kouwone Gabriela.
Ebyen paspò ayisyen Gabriel fèt 22 jiyè 2019. Kidonk 3 jou apre yo fin fè maskarad seremoni pou te pase kouwòn nan.

Nan paspò sa li pa rele Gabriela Clesca Vallejo ankò. Men li se Gabiela Clesca.
Nan paspò sa li fèt kenskoff.
Nan paspò sila li mezire 1m63 (pa bliye yo pran wotè moun ki vinn fè paspò nan imigrasyon) Men pandan konkou li te 1m70.

E sa ki pi enpòtan an se : ki mwayen li itilize pou gen paspò sa?
Eske li gen ekstrè achiv?
Non!
‐—‐————

Sa yo fè,yo jis fè….siyen yon deklarasyon tadiv ke yo mete ki te fèt 10 sektanm 2018 la e papye sa yo menm yo fèl 10 jiyè 2019 la.Deja nou pa bezwen ale pi lwen pou eksplike w se premye fo paspò ayisyen li👌🏾
Alòs sa pouw konprann,si li te fèt ayiti deja ak batèm li patap ekri ke li fèt an repiblik dominikèn .
Anplis avèk ak batèm la li tap jis ka fè demand ekstrè dachiv li .
Kòm yo konnen papal pa gen okenn papye ayisyen paske li se kongolè kidonk yo fè frod la fason sa.
Anplis nap di li prezante youn nan nouvo kat yo .

Verifye imaj yo nap wè atestasyon li bay ki sèvi pou fè paspò a pa vize kidonk gen yon moun nan imigrasyon ki enplike tou pou te fè frod sa.
Deja mwen ka revele nou se te vip ofisyèl .

Alòs se devwa w antan ke ayisyen pou w pa kite frod sa pase.
Nou pa ka rezime peyi a sèlman a kowipsyon kote nenpòt moun ki vle ka fè izaj de fo jan li vle.

Se devwa nou pou nou denonse yo.

Pa kite se lèw gen yon fanmiw ki sibi ou yon zanmi pou w leve vwaw.

Tout bagay klè,se pouw AJI!
Li pa konba pam men se konba chak grenn ayisyen ki kwè nan yon chanjman.

La se pa sèlman medam ki te envesti tan yo,lajan yo ki viktim men se tout yon peyi ki viktim,se tout yon sistèm ki TOUTOUNI.

Nou a pran responsabilite nou pandan nap fè sa rive jwenn otorite konsène yo.

LAISSER UN COMMENTAIRE

Please enter your comment!
Please enter your name here