Gabriela Clesca Vallejo, èske’l respekte kritè Miss Haiti 2019 la ?

0
1841

Gabriela Clesca Vallejo, jèn fi sa a gen 25 lane, li fèt Repiblik Dominikèn nan yon vil ki rele El Cercado nan yon vilaj San Juan; manman Gabriela se dominikèn e papa li se kongolè.

Pou lane 2019 la Komite Miss Haiti a te pibliye kritè pou patisipe nan konkou a pami ladan yo fòk ou ayisyèn natif natal.

Nan ane 2011 Gabriela te patisipe nan Miss Africa Montréal kote li te reprezante Repiblik Demokratik kongo, yon konkou ki fèt pou afrikèn sèlman kote li te pran premye plas e li te fè konnen li se mwatye kongolèz/ Dominikèn.

An 2014 ak 2017 li te patisipe nan Miss Supranational Canada li te fè Tòp 20 ak Miss Univers Canada e kritè konkou sa pou patisipe ladan’l fòk ou fèt Kanada ou Sitizenn.

Komite Miss Haiti a ane sa rive aksepte kandidati Gabriela malgre tout pawòl sa yo kap pale sou tout rezo sosyo yo ak tout videyo konkou li patisipe yo kap sikile yo.
Kèk nan manm komite a fè konnen li fèt fèmat, pandan sa bopè li ki se JC Henry fè konnen li pa fèt Ayiti e prezante papye medikal Gabriela, li te menm rive fè konnen si Natif El Cercado a gen yon paspò ayisyen konnen se fwod li ye.

Miss Haiti èske ou ka prezante papye patisipan Clesca Kote li fèt Ayiti ( Fèmat) ?

Èske wap demanti Òganizasyon Miss Supranational ak Miss Univers Canada ki te revele kote li te fèt la ??

Ou gen tout yon nasyon kap tann repons sa yo nan men’w.

Nan yon peryòd kote tout jenès la leve kanpe kont sa ki pa bon, nap swete komite Miss Haïti a pran responsabilite’l pou’l founi bon jan eksplikasyon ak bon jan prèv sou dosye sa a, paske jèn fi sa yo ki nan konkou a se tout yon nasyon, yon pèp ki kwè nan yo yo pral reprezante.

Viv Ayiti Nou Vle a

Wesly Seide

LAISSER UN COMMENTAIRE

Please enter your comment!
Please enter your name here