Gabriela Clesca V. Kiyès li ye, èske li ka reprezante Ayiti?

0
463

Gabriela Clesca Vallejo fèt an Repiblik Dominikèn nan lane 1993 nan yon vil ki rele El Cercado li gen 25 lane. Papa l se kongolè, manman l se dominikèn.

Clesca patisipe nan plizyè konkou bote, 2011 Gabriela te patisipe nan Miss Africa Montréal yon konkou ki fèt pou afriken li te reprezante Kongo, 2014 Miss Supranationale li te reprezante kanada li te fè pati top 20, 2017 Miss Univers Canada ki fèt espesyalman pou moun ki fèt kanada ou sitwayen kanadyen, 2019 Miss Haïti kote li gen pou li al reprezante Ayiti nan Miss Univers men èske li kapab reprezante n daprè konstisyon peyi a kise manman lwa peyi a?

Nan atik 11 konstititsyon ayisyèn 1987 la Gabriela pa respekte l.
Èskel se dominikèn ou dominikèn orijin ayisyèn? Daprè atik 11 lan li pa ayisyen, e li sètifye ke li fèt El Cercado yon vilaj San Juan.
Kritè Miss Haïti 2019 la di fòk ou asisyèn natif natal kounya èske Vallejo respekte l paske li pa fèt Ayiti.

An 2014 nan yon entèvyou Gabriela te fè nan Miss supranationale li te di Ayiti se yon peyi mizè se pi move moman li te pase lè l te timoun poukisa jodi a se yon moun konsa komite Miss Haïti an al chèche pou reprezante yon peyi ke li pa menm fyè de li, èske se paske l gen eksperyans lòt konkou yo? Ou ankò èske gen pwoblèm pou jwenn bèl jèn fi ki prepare nan peyi an oubyen se magouy ak koripsyon ki ap kontinye nan pi fò enstitityon nan peyi a.

Tout enfòmasyon k ap sikile yo poukisa menm yon nòt pa janm sòti pou pwoteje imaj Miss lan e pwoteje repitasyon antite ki rele Miss Haïti an pou pwouve sa k ap di yo se pa laverite.

Sa n ap tann gen tan toujou ?

Nou gen tout yon popilasyon k ap tann repons sa a nan men nou ak tout rimè e kesyon k ap poze sou kesyon nasyonalite Miss Haïti 2019 la.

Wesly Seide

LAISSER UN COMMENTAIRE

Please enter your comment!
Please enter your name here